​Հարգելի՛ քաղաքացիներ

​Այսօր՝ հունիսի 7-ին, աշխարհը նշում է Սննդամթերքի անվտանգության համաշխարհային օրը։ Սա միայն օրացուցային օր չէ, այլ կարևոր հիշեցում, որ անվտանգ սնունդն արժանապատիվ ու առողջ կյանքի հիմքն է։
​Որպես ՀՀ սննդամթերքի անվտանգության տեսչական մարմնի ղեկավար՝ ցանկանում եմ ընդգծել, որ մեր ամենօրյա աշխատանքի առանցքում մեկ գերակա նպատակ է՝ ապահովել, որ Հայաստանում սպառվող սնունդը լինի անվտանգ, որակյալ և վստահելի։
​Անվտանգ սննդի շղթան սկսվում է դաշտից ու ֆերմայից և ավարտվում մեր սեղաններին։ Այս շղթայի անխափան ու անվտանգ գործունեությունը հնարավոր է միայն համատեղ պատասխանատվության շնորհիվ.
​տնտեսվարողների համար սննդի անվտանգության նորմերի պահպանումը պետք է լինի ոչ թե պարտադրանք, այլ բիզնեսի հեղինակության և արժանապատվության հարց,
​Տեսչական մարմնի համար վերահսկողությունը ոչ թե պատժիչ գործիք է, այլ աջակցության, ուղղորդման և սպառողի իրավունքների պաշտպանության երաշխիք,
​Սպառողների համար գիտակից ու պահանջատեր լինելը լավագույն լծակն է շուկայում բարձր որակ ապահովելու համար։
​​Մենք շարունակում ենք կատարելագործել վերահսկողական մեխանիզմները, ներդնել միջազգային լավագույն չափանիշները և արդիականացնել լաբորատոր կարողությունները։
Մեր նպատակն է ստեղծել մի միջավայր, որտեղ «Արտադրված է Հայաստանում» պիտակը կլինի որակի և անվտանգության հոմանիշ՝ ինչպես երկրի ներսում, այնպես էլ նրա սահմաններից դուրս։
Հիշեցնեմ` սննդամթերքի անվտանգությունը յուրաքանչյուրիս պատասխանատվությունն է։

ցուցադրել ամողջը