Անհատ ձեռնարկատեր Արտակ Շաբոյանին պատկանող հացի (լավաշի) արտադրամասում (Շիրակի մարզ, գ. Սառնաղբյուր) իրականացված վերահսկողության ընթացքում ՀՀ սննդամթերքի անվտանգության տեսչական մարմնի Շիրակի մարզային կենտրոնի տեսուչներն արձանագրել են սանիտարահիգիենիկ նորմերի խախտումներ։

Մասնավորապես՝
- արտադրական շինությունների նախագծումը, կառուցվածքը, դասավորվածությունը և չափսը չեն ապահովվել պարենային հումքի և սննդամթերքի, աղտոտված և մաքուր գույքի հանդիպական հոսքերը բացառող հոսքայնության հնարավորությունը,
- ապահովված չի եղել մեխանիկական օդափոխության միջոցներով,
- առաստաղը, պատերը չեն գտնվել նորոգ և մաքուր վիճակում,
- ապահովված չի եղել անձնակազմի համար հանդերձարանով։

Հացի (լավաշի) արտադության արտադրական գործունեությունը կասեցվել է, սահմանվել է հայտնաբերված խախտումները վերացնելու ժամկետ։

ցուցադրել ամողջը